Instituti Kombëtar i Fizikës, i cili është krijuar së fundmi dhe vepron në kuadër të Akademisë së Shkencave të Shqipërisë, organizon Konferencën e tij të Parë me datat 10 – 11 Shkurt 2022. Ky njoftim është ftesë për të gjithë fizikanët e interesuar që të aplikojnë dhe të marrin pjesë në këtë aktivitet.
IKF synon promovimin e dijeve më bashkëkohore dhe ekselencës në fushën e fizikës, në të gjithë hapësirën ku punojnë fizikanët Shqiptarë, brenda dhe jashtë trojeve tona. Për këtë arsye, qëllimi i kësaj konference është promovimi i rezultateve të tyre kërkimore shkencore në sfondin e arritjeve më të fundit në fizikë, si dhe ngritja e një rrjeti bashkëpunimi mes tyre.